|
"Ko te wheako whaiaro tōna whainga, ko hākinakina tōna waka kawe." I tākaro ngā Taitama o Ngā Kura ā Iwi o Aotearoa U18 ki tētahi kapa Pacifica i ēnei rangi whakatā. I tū te pakanga ki Tauranga Domain. I whakaharatau ki te ‘Kura Toi Ariki' (high performance centre) ki Maunganui. I rangona, i whāwhā, i kitea hoki rātau te kounga o te huarahi hākinakina. Ko ngā uri o tēnei kapa nō ngā kura o:
Me mihi ka tika ki te Uniana Whutupōro o Waiariki (BOPRU) me Pacific Island Rugby mō te whakatū i tēnei kaupapa i a Toi Ariki Kura! Nā Hannah Simmonds - Pou Angitu Ngā Kura ā Iwi o Aotearoa  Tēnei a Te Whare Angitu e mihi atu ana ki Te Kura o Te Whānau a Apanui mō te whakatū i te Taiopenga tuatahi o Ngā Kura ā Iwi ki te Rāwhiti. Mai te Taumata o Apanui ki Tihirau Maunga e mihi ana hoki ki tēnā kura, ki tēnā kura i tae atu ki tēnei huihuinga ataahua. Ko Te Kura o Te Whānau a Apanui, Te Kura o Tōrere, Te Kura Mana Māori o Whangaparaoa me Te Kura o Maraenui i haere mai ki tēnei rangi miharo mō ngā uri o te kura tuatahi, kura takawaenga hoki. I haere ā-roopu ngā uri ki ngā teihana mō ngā rēhi, te tākaro ‘bat down’, ‘capture the flag’ me te ako i ētahi kanikani TikTok! He rawe ngā tamariki ki te kanikani! He rangi i whakakotahi i ngā kura o te takiwā, i whakanui i ngā tamariki me ō rātou pūkenga katoa! Nei rā ngā mihi nui ki Te Kura o Te Whānau a Apanui, nā rātou te rā i whakahaere. Otirā ngā ringa-rehe o te takiwā tonu i kawe i ngā mahi pārekareka! Nā Hannah Simmonds - Pou Angitu Ngā Kura ā Iwi o Aotearoa  I te marama o Ākuhata i peka atu ngā kaihoe katoa ki te moutere o Hāmoa mō ngā whakataetae Waka Āma ā-Ao. Ko Cheidan Moetara rāua ko Ella August no Te Kura o Manutūkē wētehi o ngā Uri whakaihu waka no aua whakataetae.
E mihi ana ki ngā Uri katoa o ngā kura ā-iwi i riro atu ki ngā whakataetae nui. Kei whea mai ngā koutou. Nā Anaterira Huata - Pou Hāpai Ngā Kura ā Iwi o Aotearoa  |
