TŌNAMANA RĪKI 9'S

I te 8 o Mei, i tū te Tōnama Riiki 9s mō Ngā Kura ā Iwi o Aotearoa ki Resthills Park, Kirikiriroa. E mihi ana ki a Eugene Davis, me ōna tīma Te Ahurei Rangatahi, nā rātou tēnei kaupapa i whakahaere.

He rangi mokopuna, he rangi pai mō te whakataetae! I tae mai ngā tama, ngā kōtiro hoki e ngākaunui ana ki te riiki. Ko ngā teina (Tau 9-10), me ngā tuakana (Tau 11-13) ngā tīma i whakapau kaha i runga i te whīra. Ko ngā kura i tākaro:

• Te Wharekura o Rākaumangamanga
• Ngā Taiātea Wharekura
• Te Wharekura o Mauao
• Te Kura o Waitahanui (me ētahi uri nō Te Kura Kaupapa Māori o Whakarewa)
• Te Wharekura o Te Kaokaoroa o Pātetere
• Te Kura Tuarua o Te Kopuku

Anō nei te kounga o tēnei hākinakina…i tino kite i ngā pūkenga maha o ngā uri, me te manawa nui, te manawa roa.

I eke ēnei tīma ki te tihi o angitu:

• Ngā Tama Teina - Te Wharekura o Rākaumangamanga
• Ngā Kōtiro Teina - Te Kaokaoroa o Pātetere
• Ngā Tama Tuakana - Ngā Taiātea Wharekura
• Ngā Kōtiro Tuakana - Te Wharekura o Rākaumangamanga

Kua whiria hoki ētahi kaitakaro toa mō ia wāhanga:

• Taki Rapana - Te Wharekura o Rākaumangamanga
• Sheri-Lee Peri - Te Kaokaoroa o Pātetere
• Turama Paranihi - Ngā Taiātea Wharekura
• Tyali Raihe - Te Wharekura o Rākaumangamanga

Ka mau te wehi!! Mihi nui ki ngā uri me ngā kaiako i tae mai ki te tautoko i te kaupapa whakahirahira. Mihi mahana hoki ki ngā kaiwhakawā, nā rātou ngā kēmu e whakahaere. He rangi miharo, he rangi whai hua - ko ngā uri te take!

Nā
Hannah Simmonds - Pou Angitu
​Ngā Kura ā Iwi o Aotearoa

>> tōnamana rīki 9's