|
Tēnei a Te Whare Angitu e mihi atu ana ki Te Kura o Te Whānau a Apanui mō te whakatū i te Taiopenga tuatahi o Ngā Kura ā Iwi ki te Rāwhiti. Mai te Taumata o Apanui ki Tihirau Maunga e mihi ana hoki ki tēnā kura, ki tēnā kura i tae atu ki tēnei huihuinga ataahua. Ko Te Kura o Te Whānau a Apanui, Te Kura o Tōrere, Te Kura Mana Māori o Whangaparaoa me Te Kura o Maraenui i haere mai ki tēnei rangi miharo mō ngā uri o te kura tuatahi, kura takawaenga hoki. I haere ā-roopu ngā uri ki ngā teihana mō ngā rēhi, te tākaro ‘bat down’, ‘capture the flag’ me te ako i ētahi kanikani TikTok! He rawe ngā tamariki ki te kanikani! He rangi i whakakotahi i ngā kura o te takiwā, i whakanui i ngā tamariki me ō rātou pūkenga katoa! Nei rā ngā mihi nui ki Te Kura o Te Whānau a Apanui, nā rātou te rā i whakahaere. Otirā ngā ringa-rehe o te takiwā tonu i kawe i ngā mahi pārekareka! Nā Hannah Simmonds - Pou Angitu Ngā Kura ā Iwi o Aotearoa  I te marama o Ākuhata i peka atu ngā kaihoe katoa ki te moutere o Hāmoa mō ngā whakataetae Waka Āma ā-Ao. Ko Cheidan Moetara rāua ko Ella August no Te Kura o Manutūkē wētehi o ngā Uri whakaihu waka no aua whakataetae.
E mihi ana ki ngā Uri katoa o ngā kura ā-iwi i riro atu ki ngā whakataetae nui. Kei whea mai ngā koutou. Nā Anaterira Huata - Pou Hāpai Ngā Kura ā Iwi o Aotearoa  Tainui, Tai rohe, Taikura e ngunguru nei! E mihi ana ki ngā Rau Taniwha o Waikato rohe i whakakanohi i Ngā Kura a Iwi o Aotearoa ki te whakataetae a motu mō te rīki. Ko ngā uri o:
I eke ngā Taitama Tuakana ki te tūnga tuawhā (4th place championship grade), ā, ko ngā Taitama taina i tae tuaono ki te wāhanga U15's. Me mihi ki ngā kaiako, me ngā kāitakaro hoki i uru ki tēnei kaupapa whakahirahira! Tūwhitia te hopo, mairangatia te angitu! Nā Hannah Simmonds - Pou Angitu Ngā Kura ā Iwi o Aotearoa  |
