WĀNANGA KURA WHAKAWHITI

Ko te rere o ngā whakamiha ki a koutou ngā Tumuaki, ngā Kaiako me ngā Mema Poumarumaru i tae ā-tinana mai ki te Wānanga Kura Whakawhiti i tū ki te urutaumatua o ngā hui Ngā Kura ā-Iwi, ara Distinciton ki Rotorua i ngā rangi 19 me te 20 Pēpuere.

He wānanga mā ngā kura e whakawhiti mai i te kura auraki hei kura reo Māori. Ka aro atu ēnei kura nei ki te whakatakoto rautaki i te reo Māori hei ako i te reo Māori, mā te reo Māori.

Tekau mā tahi ngā kura, toru tekau mā rima ngā tāngata i tae mai ki te wānanga i ngā kaupapa e whai ake nei:

• Ngā poukapa Mana reo, Mana Motuhake o Ngā Kura ā Iwi o Aotearoa
• Whakatakoto Rautaki
• BICS me CALPS
• Ohu Reo Māori.

Nō mātau te whiwhi i tae mai a Hemi Takawe, Tumuaki o Te Kura o Te Kao rāua ko Anaru Rieper, he kaiako i Te Kura o Te Kao hei kaikōrero ki tēnei kaupapa Kura Whakawhiti. I kōrero mai rātau i tā rātau hikoi ki te whakawhiti i te kura hei kura reo Māori.

Tau kē ngā mahi a te hunga i tae mai ki tēnei hui, ka mutu i pai te nohotahi ā-kura nei ki te wānanga, ki te wherawhera, ki te kimi i te huarahi whakamua hei whakatairanga, hei whakapiki i te kounga o te reo Māori me te ao Māori i tō rātau kura.

Ka hoki ki te tīmatatanga o tēnei korero, ko te rere o ngā whakamiha ki a koutou katoa.

Nā
Kimiora Webster - Kaihautū Reo Māori
​Ngā Kura ā Iwi o Aotearoa

>> Wānanga Kura Whakawhiti