TE ARA TOA: TE PŪTAKE O ANGITU

Tokoiwa ngā kura i whakakanohi mai i te wānanga nei i tū ai ki te hōtēra Distinction ki Kirikiriroa i ngā rangi o 16-17 Noema 2023. Tekau mā waru katoa ngā kaiako me ngā tumuaki.

Anei ngā kura i tae mai:

• Te Kura o Matapihi
• Te Kura o Hīrangi
• Te Wharekura o Kirikiriroa
• Te Kura o Te Whānau a Apanui
• Te Kura o Manutūkē
• Ngā Taiātea Wharekura
• Te Wharekura o Ruatoki
• Te Kura o Waitahanui
• Te Kura o Ngāti Haua.

I aronuitia ngā rautaki mō te hautū i Te Ara ToA me ngā ara hei whakatinana i Te Ara ToA ki te taha o ngā uri. Ko ētahi o ngā kaupapa whāiti i wānangahia, ko te whakawhanaungatanga i waenganui i ngā kaihautū me ngā kaimahi, te Pakiako hei huarahi aromatawai, he rauemi matihiko mō Te Ara ToA me ētahi ngohe hei tautoko i te reo ā-waha.

Mīharo pai te katoa ki te kauhau a Tony Walker o Te Wharekura o Kirikiriroa mō tā rātou marau ā-kura ‘Te Pou ā Haokai’, te whakakaupapa i te marau, ngā paetohu e hāngai ana me te rauemi matihiko kua waihangatia mai hei tautoko.

Kāore e ārikarika te mihi ki ngā kaikauhau katoa me ngā kaiako i tae mai.

​Nā
Ani Rolleston - Pou Ara ToA
​Ngā Kura ā Iwi o Aotearoa

>> te ara toa