TE AHI OROKOHANGA

I huihui ai ngā uri nō ngā kura ā-iwi o te motu ki roto o Te Arawa waka i tēnei wiki, ko te kaupapa whakahirahira ake nei ko Te Ahi Orokohanga. He kaupapa E-Sports tēnei e whakanui ana i te ao hangarau matihiko. Ko tā te mahi a ngā uri he waihanga i te marae o anamata. I tae mai ngā kura e 16 me a rātou uri 132 ki te kaupapa nei. E 33 ngā tīma i tū ki runga i te atāmira i taua rangi me te mīharo hoki o ā rātou mahi.

I  whai wā ngā uri ki te whakaatu i o rātou tini pūkenga e pā ana ki te waihanga marae i roto i te ao Minecraft. He mahi taki whā, mā ngā uri ngā mahere marae e whakarite, mā rātou anō e hanga i taua marae i runga i te atāmira whakataetae.

I tino kite i te auahatanga o ēnei uri i roto i a rātou hanga katoa. Ko te kotahitanga me te wairua whakawhanaungatanga te hua nui i puta i tēnei kaupapa.

I te otinga atu i eke ēnei kura ki te tihi o angitu mō tēnei kaupapa:

1. Te Kura Māori o Ngā Tapuwae - kōtiro
2. Te Kura Māori o Ngā Tapuwae - tama
3. Te Kura o Hīrangi
4. Te Kura o Hīrangi
5. Te Wharekura o Ruatoki

Kāore e mutu ngā mihi ki ngā ringa hāpai i tēnei o ngā kaupapa, ko Digital Natives Academy, ko Te Papatipu Matihiko, ā, ko Local Gecko Productions anō hoki. Waihoki ko ngā kaitautoko pūtea ko Rotorua Trust, ko One Foundation rātou ko Ipurangi Aotearoa. Mei kore ake koutou hei tautoko i a mātou.

Nā
Hannah Simmonds - Pou Angitu
Ngā Kura ā Iwi o Aotearoa

>> te ahi orokohanga