Nau mai ki Te Ao Taurikura, e hīkaka ai ngā uri ki te ako me te whakatutuki i tētahi kaupapa whakahirahira ki a rātou anō hei painga mō ētahi atu tāngata, te taiao rānei.
Ko Te Ao Taurikura te kaupapa e aro pū ana ki te tamaiti, ki tōna ngākau, ki ōna tūmanako, me te whakatinana i te kōrero rongonui rā, “Mahia te mahi hei painga mō te iwi”.
MANA URI (TAU 1-13)
Ko te “Te Ao Taurikura” nei, e aro ana ki ngā uri katoa me te whakahanumitanga o te:
Ngākaunui o ngā Uri: Kia wana, kia ngākau whitawhita te uri i te mea e aro ana ia ki tētahi kaupapa nui ki a ia.
Tuku Manaakitanga ki Ētahi Atu: Ko te hua o āna mahi, o tōna ngakau whitawhita ka riro ki ētahi atu tāngata, ki tētahi atu kaupapa rānei.
Kia Matatau ki te Whakatutuki Kaupapa: Ka mau i a ia ēnei pūkenga, tēnei māramatanga hei tautoko i a ia ki te whakatutuki kaupapa, ao kura mai, ao whānau mai, ao whānui mai hoki. Koia nei te whakahanumitanga o ngā akoranga katoa ki te kura!
Rongo i te Reka o te Whakatutuki Kaupapa: Ka tutuki i ngā uri tetahi kaupapa whakahirahira, ā, mā rātou hoki tā rātou kaupapa e kōrero hei akoranga mā ētahi atu, hei whakaaweawe hoki i ētahi atu.
MANA KURA
Ko ngā kura ka uru mai ki Te Ao Taurikura, ka whiwhi āwhina, whakangungu mai, rauemi mai, ohu tautoko mai hoki e pai ai te whakatō i te kaupapa nei ki ō koutou kura, hei painga mō ngā Uri.
NAU MAI RĒHITA MAI KI TE AO TAURIKURA
Mehemea kaore anō koe, tō kura rānei kia uru mai ki te kaupapa nei, ā, e hiahia ana koe, koutou rānei ki te uru mai ki Te Ao Taurikura, whāia te hononga nei, whakakiia koa.
HUI WHAKANGUNGU: te ao taurikura tuatahi
He hui hei tautoko i a koutou kia mārama ki te kaupapa, kia whakamahere hei tautoko i a koutou o tō koutou kura, kia rite! Ngā tino kaupapa: “Kia Wana Kia Ea”, “Pakirehua”, Rauemi Tautoko, Pūtea Tautoko.
