TE KURA REO URI

Kei tōku reo auraki mai rā, waihape mai rā
Ki tōku poho, ki tōku ngākau, ki tōku arero, ki tōku katoa
Kia ora tonu ai koe i ngā tau tini, tau mano
Mō te ake, ake haere ake nei.
Hei!
I tau atu te maha o ngā uri me ō rātau kaiako ki Ngā Taiatea Wharekura i te 13 ki te 16 o Maehe. Ā, kia rumakihia ki te whānuitanga, ki te hōhonutanga me te wairuatanga o te reo me ōna tikanga. Tēnā rā koutou e ngā toki, e ngā mātanga o te ao Māori, o te ao mātauranga. I whakahokia mai ai te taonga ki te mata o te arero, ki te ngākau o te uri:

• Ngā Atua Māori - Tukiterangi, Renata Curtis
• Wetereo/Kupu Whakaniko - Tākuta Anaha Hiini
• Te Reo o Te Taiohi - Matariki Cribb-Fox
• Te Tito Waiata -  Whatahoro Cribb-Fox
• Te Reo o Te Whare Tū Taua - Hikooterangi Curtis
• Te Mihi ki te Kaupapa - Tokoaitua Winiata

Neke atu i te kotahi rau te hunga i tae atu ki te kaupapa - uri mai, kaiako mai - ki te ngao i ngā kai i whāngaihia ki a rātou. E rere ana hoki te reo whakamiha ki a Whaea Michelle, ki ngā uri, ki ngā pouako me te whānau o Ngā Taiatea Wharekura - te uru taumatua o ngā manu pītakitaki o Ngā Kura ā Iwi o Aotearoa.

E mihi kau ana i runga o ngā manaakitanga.

Nā
Kimiora Webster - Kaihautū Tukuihotanga
​Ngā Kura ā Iwi o Aotearoa

>> te kura reo uri