TE AHI OROKOHANGA

I te Tūrei, 20th Mei, i tū te kaupapa o Te Ahi Orokohanga! Koinei te tau tuatoru kua tū tēnei kaupapa whakahirahira - he kaupapa matihiko mā ngā uri o ngā tau 5 - 8.

I tēnei tau, i rerekē te whakahaere i te kaupapa nei. I tū ki te Sir Howard Morrison Centre, ā, tokorima ngā uri kei ia tīma, e huri haere ana ki ngā ngohe matihiko rerekē. 30 ngā tīma i tae mai, nō ngā kura 16 - i haere mai i ngā tōpito o Te Ika ā Maui. Ko ngā kura i tae mai ko:

• Te Kura o Waitahanui
• Te Kura o Hīrangi
• Te Kura Kaupapa Māori o Māngātuna
• Te Kura Kaupapa Māori o Te Hiringa
• Te Kura o Manutuke
• Te Wharekura o Te Waitangi o Hinemuri
• Te Wharekura o Ngāti Rongomai
• Te Kura Mana Māori o Maraenui
• Te Kura o Whāngārā
• Te Kura Mana Māori o Whangaparaoa
• Te Wharekura o Mauao
• Te Kura o Matapihi
• Te Kura Māori o Ngā Tapuwae
• Te Kura o Te Kao
• Te Kura o Kokohuia
• Te Wharekura o Ruatoki

He maha ngā ngohe matihiko - ko ngā kēmu whakataetae pērā i te Just Dance, Beats Sabre, Typing and Aim Labs challenge, Robotics challenge, Mario Kart me te Marvel Rivals; ko ngā ngohe auaha - Minecraft, 3D creation challenge, Digital art challenge, Iron Beads craft me te Lego Build challenge, Radio sound byte hoki.

Ko ngā tino whāinga o te rangi - kia rere te reo Māori i roto i te ao matihiko, me kī, ko te ao o te rangatahi! Tuarua, kia mahi tahi ngā uri, kia whai hoa hou hoki kia pakari ai ngā hononga i waenganui i ngā kura ā iwi. Tuatoru kia puta mai ngā pūkenga auaha o ngā uri - kia kite i ngā hua o tēnei momo kaupapa!

He mihi nui tēnei ki ngā hoa haere - ki a Digital Natives Academy. Nā rātou ngā uri i ārahi i roto i te ao matihiko. He pīki mihi ki ngā rōpū tautoko ā-pūtea nei, arā ki a ONE foundation me Rotorua Trust.

He miharo te kite i ngā uri nō ngā kura maha e whai hua ana i roto i tēnei ao matihiko, me te tino aro ki te ao Māori me te reo Māori!

Tūwhitia te hopo, mairangatia te angitu!

Nā
Hannah Simmonds - Pou Angitu
Ngā Kura ā Iwi o Aotearoa

>> te ahi orokohanga