oranga tumuaki oranga kura

Nō te 13-14 o Pēpuere, whakaikapahi atu ngā tumuaki me ngā pou o ngā kura ki Tāmaki Makaurau ki te wānanga o Oranga Tumuaki Oranga Kura. I reira ka āta ruku ki ngā kaupapa whakangūngū e whakahaeretia ana e Ngā Kura ā Iwi o Aotearoa (NKAI) i tēnei tau, arā ko:

• Rangaranga ā Tā
• Rangaranga ā Pāngarau
• Rangaranga Reo Pākehā
• He Rautaki Pī Ka Rere
• He Rautaki Reo Māori
• Mauri Ora
• Ngā Tohu Mātauranga a Te Whare Mairanga

Ka nui te mihi ki ngā pūkenga i whakaaro nui mai ki te tautoko i te kaupapa:

• Hurae White - Rangaranga ā Tā
• Phyllis Callaghan - Rangaranga Reo Pākehā
• Peter-Lucas Jones - Artificial Intelligence
• Arihia Stirling - Te Whakapapa o Te Kura Māori o Ngā Tapuwae / Leading Learning

Nō tātou hoki te whiwhi nui kia whai wāhi atu ki te kuhu ki Te Kura Māori o Ngā Tapuwae i te rā tuarua o te wānanga ki te whakarongo ki ngā kōrero rangatira o tēnei kura whakahirahira o tātou. Tēnā koe Arihia, koutou ko te tira o Ngā Tapuwae mō koutou i manaaki mai i te reo karanga.

Kāti ake e hika mā, anō te āhua reka o te noho tahi a te tuakana me te teina i runga i te kaupapa kotahi. Ngā manaakitanga nui.

​Nā
Julian Rolleston - Pou Arataki
Ngā Kura ā Iwi o Aotearoa

>> oranga tumuaki oranga kura