ORANGA POU ĀRAHI

Nō te 23 o Mei ka tū te wānanga tuatahi o Oranga Pou Ārahi ki Tāmaki Makaurau. He tuatahitanga taua wānanga. He wānanga motuhake hei tautoko, hei whakangūngū i ngā pou ārahi, arā i ngā heamana o ngā poumarumaru o ngā kura.

Ka nui te mihi ki ēnei pou ārahi i tae atu ki te wānanga nei:

• Haani Huata - Pou Ārahi ki Ngā Taiātea Wharekura
• Scott Gemmell - Pou Ārahi ki Te Kura Māori o Ngā Tapuwae
• Ngairo Eruera - Pou Ārahi ki Te Wharekura o Mauao
• Pania Turner-Hughes - Pou Ārahi ki Te Wharekura o Ngāti Maniapoto
• Hope Hancy - Te Kura o Waikare

Ahakoa te tokoiti, inā kē te nui o ngā hua i puta ake i te wānanga nei. I wānanga ngā Pou Ārahi i ngā āhuatanga e hāngai pū ana ki ngā mahi, ngā kawenga, me ngā haepapa o te tūranga. I kaha kōrerotia e ngā Pou Ārahi te pai o te noho tahi ki ētahi atu Pou Ārahi ki te wānanga, ki te kōrero tahi, ki te tuari whēako, hei akoranga anō mā rātou, hei oranga hoki mō rātou.

Ākuni pea ka whakaturia tētahi atu wānanga Pou Ārahi kia pai ai te manaaki i te nuinga, nā reira, kia mataara ake ki ngā pānui mō tēnei kaupapa. Oranga Pou Ārahi ka ea, ka tau!

Nā
Julian Rolleston - Pou Arataki
​Ngā Kura ā Iwi o Aotearoa

>> oranga pou ārahi