ĀPITIHANGA E noho tangata whenua ana te aroha o ngā uri ki tō rātou ao Māori. Mā rātou ngā taonga tukuiho o ō rātou iwi e hāpai, e tiaki, ka pēnā anō ō rātou uri. Mā rātou hoki te reo Māori e whakamana, e whakamānawa mā te kōrero i te ao, i te pō. Mā te kura anō ōna ake taunakitanga e whakarite e hāngai ai ki ngā āhuatanga taketake o te hau kainga me te kura. 
ĀPITIHANGA E mārama pū ana ki ngā uri me pēhea te whakatinana i ō rātou mātāpono taketake, e tika ai te arahi i a rātou anō, e whai pakirēhua ai rātou ki ngā wero o te ao, e noho ai rātou hei tauira whakakitenga mō ō rātou ake uri. |
ĀPITIHANGA Kei ngā uri ngā pūkenga taketake e eke ai rātou ki tō rātou ake angitūtanga, ahakoa te kaupapa, akoranga mai, oranga whānui mai anō hoki. Koia nei ngā pūkenga hei tautoko i a rātou, e puta ai tō rātou pito mata, ahakoa te kaupapa. 
ĀPITIHANGA E mōhio ana ngā uri ki ngā āhuatanga o tōna ao Māori, o tōna ao whānui hoki. Mātāmua ana ko ngā āhuatanga o tōna ake ao e whai pānga ana ki a ia, ao ako mai, oranga whānui mai e tika ai ana whakatau i tōna māramatanga ki tōna ake ao, ki te ao ki tua hoki. E hāngai ana te taunakitanga kei te “Oranga Nui, Oranga Roa” ki tēnei tohu hoki. |
ĀPITIHANGA E mārama ana ki ngā uri me pēhea te arahi i a ia anō (self-leadership, independence) e haumaru ai tana noho, e ea ai i a ia ōna tūmanako. Me matatau hoki ia ki te mahi tahi ki ētahi atu e tutuki ai i a ia ōna tumanako katoa. I te mutunga ake, ka tū ngā uri hei ringa āwhina, hei ringa manaaki mō tāngata kē atu, mō kaupapa kē atu (servant leadership). 
ĀPITIHANGA Ko te whai oranga te pūtake o te mātauranga, e mātau ai te uri ki ngā āhuatanga o tōna ao e whai oranga ai ia. Mā ōna mātāpono, ōna pūkenga, tōna mātauranga ia e arahi, e tautoko, e ora ai tōna hinengaro, wairua, tinana me tōna whānau. |
