MŌ NGĀ KURA Ā-IWI

TUKUIHOTANGA

TE PŪTAHI NUI

Mā o tātou mātāpono, arā, Tukuihotanga, Kōtahitanga, Mana Motuhake tā tātou hui e ārahi. Whakarauika mai tātou kia rongo i te pai o te noho tahi – tuakana mai, teina mai i raro i te whakaaro kotahi.

te kura reo uri

Ko te rere o te reo, ko te oranga o te reo, ko te kounga o te reo, ko te whakaohooho i ngā uri ki te kōrero i te reo te kaupapa matua o tēnei kaupapa.

KURA REO RUA

Ko tā te Kura Reo Rua he tautoko i ngā kura e piki atu ana i te reo rua ki te rūmaki reo Māori, taumata tahi.

NGĀ TOHU PĪ RERE

MĀTAURANGA

EKE ANGITU - uri

He wānanga tautoko mō ngā Uri Tau 12–13 e hiahia ana ki te whakapūmau i ngā pūkenga pāngarau hei whakatutuki i te Tautokorua Pāngarau.

EKE PANUKU - kaiako

He kaupapa Whakangungu Kaiako Pāngarau Tautokorua hei ārahi i ngā kaiako kia mārama ai, kia pakari ai, kia rite ai ki te whakaako i ngā āhuatanga o te tautokorua Pāngarau.

EKE tangaroa - māngai tumuaki

He hui mō ngā Māngai Tumuaki (Principal Nominees). He wānanga kia ako tahi, kia mahi tahi i tēnei kawenga nui o te ārahi i ngā tukanga aromatawai o te kura.

TE ARA TOA

Ko Te Ara ToA he whai wāhitanga mō ngā kura ā-iwi ki te tūhonohono, ki te tuari me te akoako i te whakatinanatanga o ngā āhuatanga motuhake o tēnei anga hei tautoko i ngā uri kia tū hei Uri Whai Mana Motuhake.

oranga

TAIOHI taiea

​Ko te kaupapa o Taiohi Taiea ko te whakakao mai i ngā uri o ngā Wharekura ā-iwi ki te whakatairanga i te reo Māori mā te huarahi o ngā momo wheako ka whakahaeretia.

URI TAUTĀWHI

Ko te aronga o te pūtea Uri Tautāwhi ko te hāpai i ngā uri o ngā kura ā-iwi e pakari ake ai te taha hinengaro me te taha whatumanawa.

TAE KI TE KURA

Ko te aronga o te kaupapa Tae Ki Te Kura ko te tuku tautoko hei āwhina i ngā kura ki te waihanga, ki te whakatōtika i a rātou Mahere Whakahaere Tae ki te Kura.

WHAKARITO

te rautaki tupu whakarito

Mā te whakanikoniko i ngā huarahi ako o ngā uri whaikaha o Ngā Kura ā Iwi o Aotearoa, e whai hua ai tātou katoa.
© NGĀ KURA Ā IWI O AOTEAROA