EKE TANGAROA - māngai tumuaki
03 pēpuere 2026
te whanganui-a-tara

​Ka kati te wā rēhita
12 Hānuere 2026

TIROHANGA WHĀNUI

Kei te mānukanuka, kei pari koe i te ngaru nui o ngā panonitanga o te marautanga me te NCEA? Kei te pēhia koe e ngā whakaritenga aromatawai, e te QMS, me ngā Tautokorua?

​Haere mai ki te wānanga o Eke Tangaroa. He hui mō ngā Māngai Tumuaki (Principal Nominees). He wānanga kia ako tahi, kia mahi tahi i tēnei kawenga nui o te ārahi i ngā tukanga aromatawai o te kura. Mā te ū ki te kaupapa, mā te hoe tahi, ka tau te waka, ka eke Tangaroa tātou.

NGĀ HUA MATUA

Kia mārama - Te Tūranga o te Māngai Tumuaki (Principal Nominee)
Ka mārama te tūranga o te Māngai Tumuaki hei poutokomanawa o ngā tukanga aromatawai. Ka mōhio ngā Māngai Tumuaki ki te whakakotahi i ngā pūnaha, kia mārama ai te te katoa o te kura ki te ara tika.

Kia pakari - Ngā Pūnaha / QMS
Ka whai rautaki ngā Māngai Tumuaki ki te whakapakari i ngā pūnaha mātairua, ki te kohi raraunga, me te aroturuki.

Kia māia -Te Kōrero, Te Ārahi, Te Koke Whakamua
Ka māia ngā Māngai Tumuaki ki te kōrero ki ngā kaiako, ki ngā tumuaki, ki te Mana Tohu Mātauranga o Aotearoa hoki. Ka mārama ki ngā tautoko e āhei ana ki te ārahi i te kura ki te koke whakamua.

He wāhanga tēnei o te hōtaka whānui e kiia nei Eke Panuku, Eke Tangaroa, Eke Angitu, e whai ana ki te tautoko i te:
  • Whakangungu Kaiako (2 Pēpuere 2026) – Te Whanganui-a-Tara – Eke Panuku.
  • Hui mō ngā Māngai Tumuaki (Principal Nominees) (3 Pēpuere 2026) – Te Whanganui-a-Tara – Eke Tangaroa.
  • Wānanga Tautokorua Pāngarau Uri mō ngā Tau 12–13 (12–13 Pēpuere) – Whakatāne – Eke Angitu.
  • Wānanga Tautokorua Pāngarau Uri (Mei) – ā tōna wā ka whakatauhia.

Eke Panuku, Eke Tangaroa, Eke Angitu. He hōtaka tautoko mā tātou, mō tātou, e ai ki a tātou.

E aronui ana tēnei kaupapa ki te tautoko i ngā:
  • Māngai Tumuaki o ngā kura ā iwi, Kaiārahi aromatawai
  • Kaiāwhina QMS / Tumuaki tautoko

KAIWHAKARITE

Taramea Hennessy
Kaihautū Tohu Mātauranga
Ngā Kura ā Iwi o Aotearoa
© NGĀ KURA Ā IWI O AOTEAROA