EKE PANUKU - kaiako
02 pēpuere 2026
te whanganui-a-tara

Ka kati te wā rēhita
12 Hānuere 2026

TIROHANGA WHĀNUI

E rongo ana koe i te taiāniwhaniwha o ngā panonitanga o te marautanga me te NCEA? Kei te āwangawanga ka tahuri tō waka i te tai kumekume o ngā tautokorua Pāngarau?

Peka mai ki tēnei whakangungu a tātou, kia eke tahi ai tātou i ngā wai karekare o te wā nei, kia papa pounamu ai mō tātau, ngā wai o ngā tautokorua Pāngarau. Haere mai ki the kaupapa o Eke Panuku. He kaupapa Whakangungu Kaiako Pāngarau Tau 9-10 hei ārahi i ngā kaiako kia mārama ai, kia pakari ai, kia rite ai ki te whakaako i ngā āhuatanga o ngā tautokorua Pāngarau.

NGĀ HUA MATUA

Kia mārama - Te Hono ki te Pāngarau
Ka hono ngā kaiako i te pāngarau ki te ao Māori - ki te whakapapa, ki te whanaungatanga, me te wairua o te mātauranga.

Kia pakari - Te Mārama ki te Pāngarau
Ka mārama ngā kaiako ki ngā ariā matua o ngā tautokorua, pērā i te tau, te hautau, te tauwehenga me te whakaaro tātai.

Kia māia - Te Whakarite Ako me te Aromatawai
Ka whakamahere, ka whakarite rauemi ngā kaiako kia hāngai ki te horopaki Māori, ā, ka mārama ki ngā aromatawai (Tapa, Kete Manarua) hei taunaki i te angitu.

He wāhanga tēnei o te hōtaka whānui e kiia nei Eke Panuku, Eke Tangaroa, Eke Angitu, e whai ana ki te tautoko i te:
  • Whakangungu Kaiako (2 Pēpuere 2026) – Te Whanganui-a-Tara – Eke Panuku.
  • Hui mō ngā Māngai Tumuaki (Principal Nominees) (3 Pēpuere 2026) – Te Whanganui-a-Tara – Eke Tangaroa.
  • Wānanga Tautokorua Pāngarau Uri mō ngā Tau 12–13 (12–13 Pēpuere) – Whakatāne – Eke Angitu.
  • Wānanga Tautokorua Pāngarau Uri (Mei) – ā tōna wā ka whakatauhia.

Eke Panuku, Eke Tangaroa, Eke Angitu. He hōtaka tautoko mā tātou, mō tātou, e ai ki a tātou.

E aronui ana tēnei kaupapa ki te tautoko i ngā:
  • Kaiako Pāngarau o ngā kura ā-iwi e aro ana ki ngā Tautokorua Pāngarau - Tuarere 4 - Tau 9-10

KAIWHAKARITE

Taramea Hennessy
Kaihautū Tohu Mātauranga
Ngā Kura ā Iwi o Aotearoa
© NGĀ KURA Ā IWI O AOTEAROA